संघे शक्ति कलौ युगे

जेन जी आन्दोलनको मागहरू सम्बोधन गर्न, व्यवस्थापन गर्न देश अहिले political settlement को चरणमा छ।Settlement त्यति सहज छैन्।भ्रष्टाचार र nepotism को अन्त संगसंगै आन्दोलनको प्रमुख मागहरू मध्ये सुशासन मुख्यतम माग हो।सुशासन भनेको आदेशको शासन होइन्।विधीको शासन हो।प्रक्रिया पुर्याउनु पर्ने हुन्छ।निश्चय नै समय लाग्छ।तथापि जनहत्याराहरू , धुसपैठ गर्नेहरू ,भ्रष्टाचारी,तस्कर,अधिकार दुरूपयोग गर्नेहरू लाई शीघ्र कारबाही गरेको दण्डित गरेको सुन्न हेर्न जनता आतुर छन्।तसर्थ आन्दोलन बाट स्थापित यो सरकार  लाई विचलित हुने , विमुख हुने, लस्याङलुसुङ गर्ने रत्तीभर छुट छैन्। 

आन्दोलनको दौरान देश लाई सरकार विहीन अवस्थामा पुर्याएर भागेका, लुकेकाहरू सार्वजनिक हुदै येनकेन जनता माझ राजनीतिमा आफ्नो space र position यथावत कायम गर्ने तरखरमा छन्।

राजनीतिक दलहरू जेनजी को माग पुरा गर्नु पर्ने जिकिर गरिरहेका छन्। माओवादी केन्द्र लगाएत अन्य दलहरू सुरक्षा स्थिति मजबुत रहे फागुन २१ मा हुने निर्वाचनमा सहभागी हुने बताइरहेका छन्।

नेपाली कांग्रेसले निर्वाचनको साथसाथै संसद पुनर्स्थापनाको ढोका खुला राख्ने दृष्टिकोण बनाएको छ।तर पूर्वप्रधानमन्त्री एमाले अध्यक्ष ओलीले  आन्दोलन बाट स्थापित वर्तमान सरकार र सरकारको सम्पूर्ण कार्यको ठाडो विरोध गर्दै संसद पुनर्स्थापना गर्ने र आन्दोलनको आँधी तुफान सृजना गर्दै अगाडी बढने चुनौती दिएका छन्।लुटिएका हतियार फिर्ता नभए सम्म , भागेका कैदीहरू कारागारमा फर्कि नआए सम्म निर्वाचनमा सहभागी नहुने पनि भनिरहेका छन्।

स्मरण रहोस् भदौ २३ गते १९ युवाहरूको हत्या गर्ने तत्कालीन हत्यारा सरकारको प्रमुख ओली नै थिए।

बुझ्नु जरूरी छ कि सामाजिक सञ्जालको प्रयोग बाट भ्रष्टाचार र नेपोटिजम विरूद्ध भन्डाफोर गर्ने डिजिटल अभियान नेपो वेवी जेन जीको  नाम ले भदौ २३ गते सडक आन्दोलनमा अवतरित भयो।अहिले फेरि सामाजिक सञ्जालमा expose jholay भन्डाफोर अभियान चलेको छ।त्यो अभियान कहिले कहाँ कसरी कुन नामले विस्फोट हुने हो भावी राजनीतिक गतिविधिमा निर्भर रहने छ।नेताहरू जति नै चर्को बोले तापनि जेन जी आन्दोलनको परिणामको कारण तिनीहरू मनोवैज्ञानिक दबाबमा छन्।

दम्भको परिणाम नाश हो विध्वंस हो।त्यसबाट कोहीपनि सुरक्षित रहन सक्दैन्।रावणको एको अहं द्वितीयो नास्ति मनोवृत्ति, धृतराष्ट्रको कुटिल स्वभाव र दुर्योधनको दम्भ को कारण त्रेता युगमा लंका र रावणको र द्वापर युगमा हस्तिनापुर र भरतवंशको नाश भयो।सनातन हिन्दु ग्रन्थले मार्ग दर्शन गरेको हुन्छ तैपनि राजनीतिमा कतिपय नेताहरू एको अहं कै मार्ग हिँड्न खोज्छन्।

यतिखेर दोषारोप, प्रतिशोध, षडयन्त्र, चुनौती, घुसपैठ व्याप्त छ।जेनजी विरूद्ध माहोल बनाईदै छ।जेनजीको नाममा घुसपैठ बढ्दै छ।त्यसैले छरिएर रहेका जेन जी हरू होसियारी साथ संघे शक्ति कलौ युगे अर्थात् संगठन नै कलियुगको शक्ति हो ।सङ्गठित हुनु मै शक्ति छ भन्ने सत्य लाई आत्मसात् गर्नु पर्दछ। क्षेत्रगत एवं राष्ट्रीय स्तरमा मिलीजुली सङ्गठित रहन अतिआवश्यक छ। सङ्गठित हुन सक्यो भने जेन जी विरूद्धको माहोल, षडयन्त्र, घुसपैठ ,घेराबन्दी, आरोप सजिलै  तोडिने छ। भ्रष्टाचार र नेपोटिजम विरूद्ध सुशासनको पक्षमा ऐतिहासिक आन्दोलन बाट आएको जेन जीको  पकड मजबुत हुदै जानेछ। र  फागुन २१ को निर्वाचन बाट एउटा निर्णायक शक्तिको हैसियतमा राजनीतिमा स्थापित हुनेछ।तसर्थ आन्दोलनको मर्म लाई टुङ्गोमा पुर्याउन जेन जीहरू सङ्गठित  रूपमा प्रस्तुत हुन अतिआवश्यक छ।